|
Di
van rojên dawîn da em dibînin ku medya tirka wek kampanyekê di aleyhiyê
malbata Barzaniyan da vekiriye. Dibên ku “malbata Barzaniyan ji berê de cihû
bûne.” Di vî warî de hemî medya tirk bihev ra ne.
Nexwe mislimanên wan,
kemalîstên wan û nijadperestên wan!..
Heya hinek aqilsivikên kurdan jî, ji me ra nama dişînin û dipirsin “gelo ev tiştên tirk dibên rast e
an ne? Ger derew
be, çima hun bersivên wan nanvîsînin?..”
Xwendevanên Hêja!
Ma
gelo bersiva virr û derewan heye? Ka mirov wê çawa bersiva îftirayan bide?
Karên medya tirka vaya ye. Armanca wan dîsa
xapandina kurda ye.
Lê
heya em şibhe dibin ser derewên wan, gerek em bifikirin „gelo çima medya
tirka ev kampanya di derheq Barzaniyan de vekiriye? Armanca wan, hedefa wan
çî ye? Çima koka Tayyib Erdoxan napirsin, ka gelo ew tirk e, rûm e, laz e?
Çima pirsa koka Ataturk nakin, ka gelo ew tirk e, yunanî ye, rûm e, yugoslav
e, bulxar e?
Çima ji medya tirkan ra malbata Barzaniyan û koka wan girîng e?
Helbet sedem hene, sedemek; malbata Barzaniyan ji berê da, di ware netewî da pêşkêşiya kurda kiriye û hê jî didomîne. Di vî warî
da bê tirs û bê ta’wîz
in!
Ya duduyan, Birêz Mesûd Barzanî îro wek Serokê hemi kurda tê dîtin, ji
herçar parçeyên Kurdistanê gel seroktiya wî qebûl dike. Hinek Kurd û
rêxistinên ku berê ji wî ra bê hurmetiyê dikirin îro ewana jî ji herkesî
pirrtir ji Barzaniyan re hurmetê dikin.
Baş e
çi bi tirka hatiye?
Tirk
dizanin ku pirraniya Kurda musliman in, dixwazin mêjoyê Kurdên musliman
tevhev bikin û bêjin “aha em musluman birayê hev in, ew serokên hun li pey wan
diçin, wan wek rêber ji xwe re dibînin tew musliman jî nînin!..”
Armanc
dilsarkirina hinek kurda ji Barzaniyan!..
Medya
tirk ji berê da lîstikê wiha dilîze û pirr caran jî biserketine. Car heye
kurda wek insanan nahesibînin û tu rûmetê nadinê, carnan jî dibên birayê
kurda yên olî û wan bi biratiya olî dixapînin. Siyaseta Tirkan bi sedsala ye
ku kurd bi navê ol û mezheban parçe kirine, li hember hev bikaranîne û wan
bihev dane kuştin. Dijminî kirine nava eşîran, nava mezheban, kurda hevdu
kuştine û wan jî kêfa seltenetê kirine. Şerrê di navbera Îran û Osmaniyan
da ku bi esran domand, yek ji wan lîstikan bû. Derdorê 300 salî şerrên wan
domkir, lê şerr tim di erdê Kurdan da bû. Sunniya û elewiya li hember hev
bikaranîn, nehîştin kurd liser warê xwe, di netewa xwe da were bal hev,
bibe yek!.
Îro
dîsa dixwazin wê lîstika xwe carek din bilîzin. Lê wan jibîr kiriye ku kurd
ne kurdê 80-100 sal berê ne. Belê Kurdan êdî lîstikên wan yên olî, yên
sosyalîstî û yên demokratikî baş fêm kirine, êdî naxapin. Ewana çiqas derewa
bikin, çiqas bixwazin çamûrê bavêjin serok û rêberê kurdan, êdî tesîra
propaganda wan li kurdekî nabe! Dema bi baweriyê kurd jihev diqetandin ew
dema çû. Êdî kurdekî musliman, kurdekî ne misliman bi weliyê tirk û ereb û
ecema nade, her wiha kurdeki demokrat jî kurdeki musliman bi hemî alema
tirk, ereb û ecema nade!… Tektûk kurdên musliman an yên demokrat, an yên
kemalîst yên qafşekal hebîn jî tesîra wan li malbata wan jî nabe, ma dora ku
li civakê bibe!…Hinek
Kurda ku di dîroka xwe da xeta ya herî mezin kiribîn, ew jî qebûl kirina
biratiyi tirk, ereb û eceman e!.. Lê di rastiya xwe da Kurd tu wext nebûne
birayê tirk, ereb û eceman, belku hinek deman ji mecbûrî hemwelatiya wan
qebûl kirine. Belê di dîrokê de em ne bira bûn, niha jî ne bira ne û tu wext
jî em nabin bira!.. Me hêvî heye ku em ebediyen ji hemwelatiya hev jî
derkevin!…
Hinek dikarin bêjin,
lê biratiya olî? Belê Qur’an dibêje „Bawermend birayê hev in“ Kijan
bawermend? Kesên ku bi hemî Qur’anê bawer in, gelo hun bawer in ku tirk,
ereb û ecem bi hemî Qur’anê bawer bin? Di tiştên ku xweşî wan ney, di wan
meselan da baweriya wan tune. Mesela baweriya wan bi 2 ayetan tuneye, ku
ewan ayetana jî behsa mafên mirovatiyê dikin, Ew ayetana Hucurat/13 û Rum/22
Pêxemberê me dibêje
„Ki çi tiştî ji xwe re bixwaze û ji birayê xwe ra jî nexwaze wî îman naniye.“
Belê de ka ji hemî
ereb, ecem û tirka pirskin, ewana dewleta wan heye gelo ewana ji Kurdan ra
jî mafî dewletî dixwazin? An çi heqên wan hene dixwazin wan heqana bidin
kurda jî?...
Helbet na!
Êêêêê… Îman li ku ma û biratî li ku ma?....
De
bese gelî medya tirka van derewan nekin, lo wele ne hun bawer dikin ne jî em!..
Barzaniyê nemir 40 sal berê carek çûbe Îsraîl ku pê bive cihû, ma gelô
Erbakanê we yê micahîd bi îsrail re peymana siyasî û leşkerî erê kir ew çima
nabe cihû?
Werin ji me re dostî û yekîtiya tirk û îsrail şirove bikin, ne ya
kurda û wan, werin ji me re ku di dema Osmaniyan de we çawa qedeme qedeme
Filîstin firotiye yahûdiyan û bingeha dewleta îsrail avêtiye wê bêjin.
Ka werin bêjîn yahudiyan çiqas erd ji tirkan kiriye? Wê bêjin, ger
têkiliyên bi yahudiyan ra mirova ji dîn derxe, gerek dîne siyasetmedarên we
heta niha qet nemaba!...
Him tu problemek gelê
kurd û yahudiyan jî tune. Beriya Îslamê em cînarê hevdu bûn, îro jî em
cînarê hev in ewqas!..
Em dizanin armanca we
bi vê propagandayê çî ye? Hun dibên ey gelî kurda serokên we yahûdî ne, yanî hun
dixwazin bi fitna xwe ya dîrokî fesadiyê bikin nava kurda, lê mixabin hun
dereng ketin, êdî kes bi we bawer nake, jiber hemî tiştîn we derew in,
bingeha we liser derewa ava bûye.
Bi kurtî: ey gelî
gelên cîrana, hun baş bizanibin ku êdî em û hun jihev ra nabîn, tu gotinên we
li me tesirê nake! Hemî alem heya hun jî baş dizanin ku malbata Barzaniyan
ji berê de malbatek oldar bûye, Şeyx bûne û pêşkêşê olî û netewî bûne.
Barzaniyê nemir di cephê şerr da him serokê peşmergên qehreman bû, him îmamê
leşkeran bû, him zanyarek îslamî bû, him serokê netewî bû!...
Hun baş bizanibin ku
her kurdek (çi oldar, çi bê ol, çi misliman, çi yên din) tercîha kurdan
liser hemî gelên din dike. Yanî kurdek musliman terciha kurdekî ne oldar li
ser muslimanên ereb û eceman dike, her wiha kurdên bê ol jî terciha kurden
musliman liser hemî ereb û eceman dikin. Propagandayên biratiya olî û nizam
çi kurreder tesîra xwe li me nake, em êdî hew pê dixapin!....
Ji
me ra; ne biratiya we, ne oldariya we, ne bê oliya we lazim nîne! Tu
qiymetek ji gotinên we ra tuneye, bese hun jî êdî xwe pê nexapînin!…
M.Nureddin Yekta
19.04.2007
|
