Ey Yar.

Ey Yar.
Pela kîjan demsalê yî,
Ewqas kesk û hêşîn î,
Ey tîrêja li şefeqa temenê min...
Baskê kîjan kevokê yî,
Ewqas ba diweşînî,
Bi ser şaneşîna dilê wêran de,
Ey bijîjka êş û xeman...
Kodika jînê yî,
Aşê qudretê yî,
Kiraseke proz î,
Ji temenê şikestî re...
Ez ê beyara dilê xwe,
Bi navê te şûv bikim,
Şîtlên keskiya çavên te,
Li xetan daçikînim ey yar...
Barana kîjan demsalê ye,
Ji keskiya çavên te,
Bi ser zozanê dêmên te de,
Ewqas bi rehm diherike...
Ey guhara ji qefa çiyê qetya yî,
Ey bazina ji pêlên Ferêt reviya yî,
Xezala kîjan çol û çiya yî,
Bi şîrê kîjan dayikê mijiya yî,
Ewqas bedewî li te heliya ye,
Ey yara li dûriya hatina min...
Vê êvarê;
Şîrqe şîrqa dengê birûskê ye,
Li sitargeha xerîbiyê
Û dengê min bi navê te,
Bê melodî û meqam dibîşkive...
Dizanim wê bibe şev
Û
Şev qasidê êşên xedar in.
Lê dîsa jî;
Dilê xwe bi hêviya hêviyê,
Çaven xwe bi soriya xêliyê dixapîn im...
Eger şefeq ji tîrêjên çavên te nebe,
Û nede ser pêsîra min,
A çepê, ez ê biqefilim,
Ez ê biqerisim ey yar...
Xakî Bîngol...

Social

Lêkolîn

Ji aliyê Albert Socin û Eugen Prym ve di sedsala Nozdehê de (1887) hatiye bihîstin û nivisandin û li Petersburgê/Rûsiya hatiye belavkirin)

JI comerdiya xwe linka PDF binikilîne

Çîrok

Ev heye 384 sal.
Tim em mirin.
Bi her rengî.
Dîse bernadin bejewendî.
Çiqas eyb û fêhête.
..Cîhan tevde bû Dewlet.
..Lê jimere bû qimhet.

Nivîsar

Em hêvîdarim û daxwazîye Gel jî eve ku, PDK-T, PAK,BDP,PSK Û PLATFORMÊ ku hene bi yek rêzîtî, bi yek dengî û dibin çatıya partîke ku li her bajar û navçe de teşkîlatê hene biçin hilbijartinê û tim

Helbest

Ev heye 384 sal.
Tim em mirin.
Bi her rengî.
Dîse bernadin bejewendî.
Çiqas eyb û fêhête.
..Cîhan tevde bû Dewlet.
..Lê jimere bû qimhet.